Sotuvchilar uchun qoʻllanma

Dona’da doʻkon ochish mutlaqo bepul. Ilovani Google Play yoki App Store’dan yuklab oling, telefon raqamingiz orqali roʻyxatdan oʻting va sotuvchi boʻlishga ariza qoldiring.

1. Ilovaga kiring va “Sotuvchi boʻlish” boʻlimini oching.
2. Doʻkon nomi, tavsifi va aloqa ma’lumotlarini kiriting.
3. Pul olish uchun bank kartangiz yoki hisob ma’lumotlaringizni qoʻshing.
4. Ariza tasdiqlangach, mahsulot qoʻshib, efirga chiqishingiz mumkin.

Hech qanday obuna toʻlovi yoʻq — faqat sotuv amalga oshganda komissiya ushlab qolinadi.

Yangi sotuvchilar: birinchi mahsulotingiz faol boʻlgan kundan boshlab 1 oy — 0 % komissiya. Keyin: barcha toifalar uchun buyurtma summasidan (yetkazib berish bilan) 5 % — cheklangan muddatli aksiya, kompaniya e’loni bilan oʻzgarishi mumkin.

Jonli savdoning mohiyati shunda: siz efirga chiqasiz, mahsulotni qoʻlingizda koʻrsatasiz va uni ekranga qistirib qoʻyasiz.

• Efir davomida istalgan mahsulotni tanlab, ekran pastiga “qistirib” qoʻying — koʻruvchilar uni bir bosishda koʻradi.
• Chatdagi savollarga toʻgʻridan-toʻgʻri javob bering: oʻlcham, rang, narx, yetkazib berish.
• Koʻruvchi qistirilgan mahsulotni bosadi, savatga qoʻshadi va efirdan chiqmasdan toʻlaydi.

Instagram yoki Telegram’dagi “direkt”ga yozib savdo qilishdan farqi shunda: Dona’da xaridor shaxsiy xabar yozib, kelishib, karta raqamini soʻrab oʻtirmaydi. Hammasi efir ichida — bosadi, toʻlaydi, buyurtma tushadi.

Barcha buyurtmalar sotuvchi paneliga tushadi. U yerdan siz:

• Yangi buyurtmalarni koʻrasiz va tasdiqlaysiz.
• Mahsulotni joʻnatib, yetkazib berish holatini kuzatasiz — Oʻzbekiston boʻylab yetkazib beramiz.
• Sotuv statistikasi va tushumni real vaqtda kuzatasiz.
• Kartangizga pul yechib olasiz.

Panel ilovada ham, brauzerda ham ishlaydi, shuning uchun buyurtmalarni kompyuterdan ham boshqarishingiz mumkin.

Xaridorlar ilova ichida, xavfsiz va shifrlangan holda toʻlaydi. Qabul qilinadigan toʻlov usullari:

• Click
• Payme
• Humo
• Uzcard
• Yetkazib berishda naqd pul (COD)

Onlayn toʻlovlar Dona hisobingizga tushadi, soʻngra siz kartangizga yechib olasiz. Toʻlov usullari haqida batafsil: Toʻlov usullari.

• Yorugʻlik va barqaror internet — eng muhimi. Mahsulot aniq koʻrinsin.
• Efir vaqtini oldindan e’lon qiling va obunachilaringizni chaqiring.
• Eng ommabop yoki chegirmali mahsulotdan boshlang, odamlarni ushlab turing.
• Narx va oʻlchamlarni ovoz chiqarib ayting va mahsulotni darhol qistirib qoʻying.
• Chatni kuzatib boring — har bir savolga javob bergan sari ishonch ortadi.
• Efir oxirida keyingi jonli savdo vaqtini aytib keting.

Efirga chiqish va strimerlik boʻyicha qoʻshimcha ma’lumotni Strimerlar sahifasida topasiz.