Didox va E-IMZO — Dona hujjatini imzolash va komissioner qoʻshish

• E-IMZO kaliti (.pfx fayl yoki USB kalit) va uning paroli. MChJ boʻlsangiz — direktor yoki kompaniya kaliti; YaTT yoki oʻzini oʻzi band qilgan shaxs boʻlsangiz — oʻz shaxsiy kalitingiz.
• Kompyuter (Windows) — Didox va my.soliq.uz uchun eng qulayi. Telefonda ham boʻladi. Oʻzini oʻzi band qilgan shaxslar Soliq qismini telefonda, Soliq ilovasida bajaradi (6-boʻlim).
• Dona ilovasidagi «Soliq komissioner» qadami: shartnoma raqami, sanasi, amal qilish muddati, MFO va hisob raqami shu yerda. «Nusxalash» tugmasi bilan nusxa oling, qoʻlda yozmang.

Kalitingiz boʻlsa, 2-boʻlimga oʻting.

1. Toʻlovni qiling: toʻlov miqdori oʻzgarib turadi; joriy miqdori rasmiy e-imzo.soliq.uz koʻrsatmasida koʻrsatilgan. Bank kassasida yoki Payme, Click, Upay, Paynet orqali toʻlash mumkin.
2. e-imzo.soliq.uz → «Elektron kalit olish» → «Ariza shaklini toʻldiring». Yuridik yoki jismoniy shaxsni tanlang, JShShIR (14 raqam) va telefon raqamingizni kiriting, SMS orqali kelgan kodni kiriting va «QR-code shakllantirish» tugmasini bosing.

   

3. Telefonda Soliq ilovasini oching → «Elektron raqamli imzo» → «Elektron kalitni tasdiqlash» → QR kodni skanerlang va yuzingiz bilan (Face ID) tasdiqlang.

   

4. «Kalit yaratish» tugmasini bosing va parolni ikki marta kiriting: kamida 10 belgi, kamida 2 ta kichik va 2 ta katta lotin harfi hamda raqamlar. Parolni yozib qoʻying.

Kalitni shaxsan olishni xohlasangiz, istalgan viloyatdagi Davlat xizmatlari markaziga murojaat qiling.

1. e-imzo.soliq.uz → E-IMZO tugmasi → «Windows JRE 1.8» faylini yuklab oling. Oynaning tepasidagi «Arxiv paroli»ni yozib oling — keyingi qadamda kerak boʻladi.

   

2. Yuklab olingan zip faylni oching, arxiv parolini kiriting va faylni chiqarib oling.

   

3. Oʻrnatish faylini ishga tushiring. Windows koʻk oynada Система Windows защитила ваш компьютер («Windows protected your PC») deb ogohlantirsa: Подробнее (inglizcha Windowsda «More info») → Выполнить в любом случае («Run anyway»). Faqat e-imzo.soliq.uz’dan olingan faylga shunday qiling.

   

4. Установить («Install») tugmasini bosing.

   

5. Завершить («Finish») tugmasini bosing — E-IMZO ishga tushadi. Keyin har safar imzolashdan oldin ish stolidagi yashil E-IMZO belgisini ikki marta bosib ishga tushiring.

   

6. C: diskining oʻzida (ya’ni C:\DSKEYS) DSKEYS nomli papka yarating va kalit faylingizni (DS….pfx) shu papkaga qoʻying. Papka «Hujjatlar» ichida yoki ish stolida boʻlsa, E-IMZO kalitni koʻrmaydi.

   

Mac uchun: oʻsha oynada «MacOS ARM» (M1, M2, M3… chipli Mac) va «MacOS Intel» (eski Mac) versiyalari bor, har birida «Instruksiya» havolasi bor.

Didox va my.soliq.uz’da tugmalar kirill yozuvida boʻlishi mumkin — soʻzlar shu yerdagidek, faqat harflari boshqa.

1. E-IMZO ishlab turganini tekshiring. didox.uz saytini oching → Kirish.

   

2. Kalit orqali usulini tanlang → «Kalitingizni tanlang» roʻyxatidan oʻz kalitingizni belgilang → Kirish.

   

3. E-IMZO oynasida kalit parolini kiriting → OK.

   

4. Reklama chiqsa, yoping. «Didox sizda operator sifatida tanlanmagan. Tanlash kerakmi?» deb soʻrasa, Yoʻq tugmasini bosing.

   

5. Hujjatlar → Kiruvchi → «Imzoingiz kutilmoqda» → yuboruvchisi “ALIFCO” MCHJ boʻlgan qatorni oching («Bir tomonlama erkin shakldagi hujjat»). Hujjat raqami (AIF-… koʻrinishida, oxirida «-D…» bor) Dona ilovasidagi «Hujjat №» bilan bir xil. 5-boʻlimda «Shartnoma raqami» maydoniga ilovadagi «Shartnoma №»ni — shu raqamni «-D…» qismisiz — kiritasiz.

   

6. Hujjatni oʻqing va Imzolash tugmasini bosing.

   

7. «Amalni tasdiqlang» oynasida yana Imzolash tugmasini bosing. Parol soʻralsa, kiriting.

   

8. Holat yashil rangda Imzolangan boʻladi — tayyor. Dona ilovasida «Imzoladim — tekshiring» tugmasini bosing.

   

1. Didox va E-IMZO ilovalarini App Store yoki Google Play’dan oʻrnating.
2. Kalit faylini (.pfx) telefonning «Yuklanmalar» (Downloads) papkasiga yoki xotira kartasiga qoʻying.
3. Didox’ga kiring → Kiruvchi → «Imzoingiz kutilmoqda» → ALIFCO hujjati → Imzolash → E-IMZO ilovasida kalitni tanlang va parolni kiriting.

Oʻzini oʻzi band qilgan shaxs boʻlsangiz, bu qadamni telefonda, Soliq ilovasida bajarasiz — 6-boʻlimga oʻting.

1. my.soliq.uz → «Shaxsiy kabinet».

   

2. Kim sifatida kirishingizni tanlang (Yuridik shaxs yoki Yakka tartibdagi tadbirkor) → ERI bilan kirish (ERI — bu E-IMZO kalitingiz) → kalitingizni tanlang → Kirish → parolni kiriting.

   

3. Xizmatlar → qidiruvga «komissioner» deb kiriting → «…komissionerlari roʻyxatini shakllantirish» xizmatini oching.

   

4. Arizalar → Komissioner → + Qoʻshish.

   

5. «STIR» maydoniga 313113129 raqamini kiriting — «“ALIFCO” MCHJ» oʻzi chiqadi. Qolgan maydonlarni Dona ilovasidagi «Soliq komissioner» qadamidan nusxa olib qoʻying: Shartnoma raqami — ilovadagi «Shartnoma №», ya’ni Didox’da siz imzolagan Dona hujjatining raqami (AIF-…), oxiridagi «-D…» qismisiz; shartnoma sanasi; «Amal qilish muddati»dagi boshlanish va tugash sanalari; MFO va hisob raqami. Marketpleys katagiga belgi qoʻying → Saqlash tugmasini bosing.

   

6. Roʻyxatda ALIFCO qatori paydo boʻladi — tayyor. Dona ilovasida «Qoʻshdim — tekshiring» tugmasini bosing. «Ushbu davrda faol shartnoma mavjud» degan xabar chiqsa, ALIFCO allaqachon qoʻshilgan.

   

1. Soliq ilovasini oching → Xizmatlar → «Hammasi» → Personal xizmatlar → Komissioner shakllantirish.

   

2. Komissioner qoʻshish tugmasini bosing.

   

3. «Korxona STIR» maydoniga 313113129 raqamini kiriting — «“ALIFCO” MCHJ» oʻzi chiqadi. Marketpleys va «Ommaviy oferta shartlariga roziligimni bildiraman» katakchalariga belgi qoʻying → Yuborish tugmasini bosing.

   

4. «Komissioner qoʻshildi» xabari chiqadi, «Roʻyxat» boʻlimida ALIFCO holati — Faol. Dona ilovasida «Qoʻshdim — tekshiring» tugmasini bosing.

   

1. E-IMZO ishlayaptimi? Didox E-IMZO ishga tushmaganini aytsa, E-IMZOʻni ishga tushiring va sahifani yangilang.
2. Kalit roʻyxatda yoʻqmi? Fayl C:\DSKEYS papkasida emas yoki USB kalit ulanmagan.
3. Parol notoʻgʻrimi? Qayta kiriting. Unutgan boʻlsangiz, pastdagi «Kalit parolini unutdim» savoliga qarang.
4. Didox (78) 148-49-00 · E-IMZO markazi (71) 202-32-32 · Soliq call-markazi 1198 · Dona ilovasidagi Dona Yordam.

E-IMZO nima va Dona nega uni soʻraydi?

Bu sizning elektron imzongiz. Dona hujjatini Didox’da u bilan imzolaysiz, my.soliq.uz’ga ham u bilan kirasiz.

Kalitni qayerdan olaman?

e-imzo.soliq.uz’da onlayn (Soliq ilovasida Face ID bilan) yoki istalgan Davlat xizmatlari markazida.

Qancha turadi?

Toʻlov miqdori oʻzgarib turadi — joriy miqdori rasmiy e-imzo.soliq.uz koʻrsatmasida koʻrsatilgan.

Kalit qancha muddat amal qiladi?

24 oygacha. Muddati tugasa, yangisini olasiz.

Kimning kaliti kerak — meniki yoki kompaniyaniki?

MChJ boʻlsangiz — direktor yoki kompaniya kaliti. YaTT yoki oʻzini oʻzi band qilgan shaxs boʻlsangiz — oʻzingizning shaxsiy kalitingiz.

Parolga qanday talab bor?

Kamida 10 belgi, kamida 2 ta kichik va 2 ta katta lotin harfi hamda raqamlar.

Kalit parolini unutdim.

e-imzo.soliq.uz’dagi «ERI parolini olish» boʻlimidan foydalaning — yangi parol arizada koʻrsatilgan telefon raqamingizga SMS orqali yuboriladi. my.soliq.uz’da kalit yonidagi «Parolni tiklash» tugmasi ham shu yerga olib boradi.

Zip fayl parol soʻrayapti.

Parol yuklab olish oynasining tepasida yozilgan: «Arxiv paroli».

Windows yoki antivirus oʻrnatish faylini toʻsyapti.

Saytning oʻzida antivirus bu faylni xato xavfli deb koʻrsatishi mumkinligi haqida ogohlantirish bor. Faylni faqat e-imzo.soliq.uz’dan oling, keyin Подробнее → Выполнить в любом случае.

Didox kalitimni koʻrmayapti.

E-IMZOʻni ishga tushiring va sahifani yangilang. Kalit fayli C:\DSKEYS papkasida boʻlishi yoki USB kalit ulangan boʻlishi kerak.

Didox kalitim yaroqsiz deyapti.

Kalit muddati tugagan yoki bekor qilingan — yangisini oling.

Didox «operator sifatida tanlanmagan» deb soʻrayapti.

«Yoʻq» tugmasini bosing. Dona hujjati Didox’ning oʻzida imzolanadi; operator tanlash faqat hisob-fakturalar uchun kerak.

Dona hujjati Didox’da qayerda?

Hujjatlar → Kiruvchi → «Imzoingiz kutilmoqda» → yuboruvchi “ALIFCO” MCHJ.

Didox balansimda pul boʻlishi kerakmi?

Yoʻq. Didox balansi 0 DiCoin boʻlganda ham hujjat imzolandi. Reklama chiqsa, shunchaki yoping.

Telefonda imzolash mumkinmi?

Ha: Didox ilovasi E-IMZO ilovasi orqali imzolaydi. .pfx faylni telefonning «Yuklanmalar» (Downloads) papkasiga yoki xotira kartasiga qoʻying.

Men oʻzini oʻzi band qilgan shaxsman — komissionerni qayerda qoʻshaman?

Soliq ilovasida: Xizmatlar → Personal xizmatlar → Komissioner shakllantirish (6-boʻlim).

my.soliq.uz «Ushbu davrda faol shartnoma mavjud» deyapti.

ALIFCO bu davr uchun allaqachon komissioneringiz. Roʻyxatni tekshiring — qayta qoʻshish shart emas.

Kimga qoʻngʻiroq qilaman?

Didox (78) 148-49-00 · E-IMZO markazi (71) 202-32-32 · Soliq 1198 · ilovadagi Dona Yordam.